Боловсролын үнэлгээний төвийн тэргүүлэх чиг үүрэг

Боловсролын үнэлгээний төвийн тэргүүлэх чиг үүрэг

Боловсролын үнэлгээ, арга зүйн байгууллага нь боловсролын чанар, хүртээмж, үр дүнг сайжруулахад чиглэсэн үндэсний үнэлгээний тогтолцоог хөгжүүлж, хүний мэдлэг, чадвар, чадамжийг олон улсын жишигт нийцүүлэн үнэлэх, баталгаажуулах, хүлээн зөвшөөрөх үйл ажиллагааг хэрэгжүүлнэ.

Энэ хүрээнд дараах тэргүүлэх чиг үүргийг хэрэгжүүлнэ.

1. Үндэсний үнэлгээний бодлого, арга зүйг хөгжүүлэх
   • Боловсролын бүх түвшний үнэлгээний бодлого, стандарт, аргачлал, шалгуур үзүүлэлтийг боловсруулж, тасралтгүй сайжруулах.
2. Элсэлтийн болон боловсролын үнэлгээг зохион байгуулах
   • Элсэлтийн шалгалт, улсын болон үндэсний хэмжээний үнэлгээ, олон улсын харьцуулсан судалгаа, үнэлгээг ил тод, шударга, найдвартай зохион байгуулах.
3. Мэдлэг, чадвар, чадамжийг үнэлэх, баталгаажуулах тогтолцоог хөгжүүлэх
   • Иргэдийн албан, албан бус болон насан туршийн суралцахуйн үр дүнд эзэмшсэн мэдлэг, чадвар, чадамжийг үнэлэх, хүлээн зөвшөөрөх, баталгаажуулах тогтолцоог хөгжүүлэх.
4. Үнэлгээний судалгаа, шинжилгээ, инновацыг хөгжүүлэх
   • Үнэлгээний үр дүнд үндэслэсэн судалгаа, шинжилгээ хийж, боловсролын бодлого, сургалтын чанарыг сайжруулахад шаардлагатай мэдээллээр хангах, үнэлгээний шинэ арга, технологийг нэвтрүүлэх.
5. Үнэлгээний чанарын баталгаажуулалт, мэдээллийн санг хөгжүүлэх
   • Үнэлгээний үйл ажиллагааны чанарын баталгааг хангаж, шалгалт, үнэлгээний цахим систем, даалгаврын сан, үнэлгээний мэдээллийн нэгдсэн санг хөгжүүлэн, мэдээллийн аюулгүй байдлыг хангах.
6. Үнэлгээний хүний нөөц, мэргэжлийн чадавхыг бэхжүүлэх
   • Үнэлгээний мэргэжилтэн, даалгавар боловсруулагч, үнэлэгчдийн чадавхыг хөгжүүлж, үндэсний үнэлгээний мэргэжлийн тогтолцоог бэхжүүлэх.