2026-11-17 · Ерөнхий14
Сэтгэл зүйн мэдээлэл: Шалгалтын түгшүүр гэж юу вэ?
Элсэлтийн шалгалт ойртох тусам санаа зовох, догдлох, зүрх хурдан цохилох, “Би чадах болов уу?” гэж бодох үе гарч болно. Шалгалт чиний хувьд чухал учраас ийм мэдрэмж төрж болох юм. Түгшүүр мэдрэх нь сул дорой, бэлтгэлгүй эсвэл та шалгалтаа амжилтгүй өгнө гэсэн үг биш. “Би шалгалтаа сайн өгч чадах болов уу?” “Мэддэг зүйлээ мартчихвал яах вэ?” “Хүссэн оноогоо авч чадахгүй бол яах вэ?” Шалгалт ойртох тусам ийм бодол төрж, сэтгэл түгших үе байдаг уу? Тэгвэл та шалгалтын түгшүүр гэж юу болохыг мэдэх үү? 🧠 Шалгалтын түгшүүр (Test anxiety) гэдэг нь шалгалтын өмнө болон шалгалтын үеэр илэрч болох санаа зовнил, айдас, бие махбодын хариу үйлдэл болон анхаарал, зан үйлийн өөрчлөлтийн нийлбэр юм. Түгшүүр хэрхэн илэрч болох вэ? Бодол санаанд: “Би чадахгүй байх” “Алдаа гаргавал яах вэ?” “Бусад хүн надаас илүү бэлдсэн байх” Бие махбодод: Зүрхний цохилт түргэсэх Гар хөл чичрэх, хөлрөх Булчин чангарах, гэдэс тавгүйрхэх Анхаарал, зан үйлд: Анхаарал сарних Мэддэг зүйлээ санахад түр хугацаанд хүндрэл учрах Бэлтгэлээ хойшлуулах, шалгалтын талаар бодохоос зайлсхийх Түгшүүр мэдрэгдсэн үед юу хийж болох вэ? 1. Мэдрэмжээ анзаарах Жишээ нь: “Би одоо шалгалтаас болж түгшиж байна” гэж өөртөө хэлээрэй. Мэдрэмжээ үгүйсгэх, өөрийгөө буруутгах шаардлагагүй. 2. Одоо хийж чадах зүйлдээ төвлөр өх Бүх хичээлээ нэг дор хийх гэж оролдохын оронд нэг сэдэв давтах, 1-2 бодлого бодох зэрэг жижиг алх а мд хуваан төлөвлөгөө гарган үр дүнтэйгээр бэлдэх 3. Өөртөө энэрэнгүй хандах Өөрийгөө бусадтай харьцуулахын оронд өөрийн бэлтгэл, ахиц дэвшилдээ анхаарч шаардлагатай үед өөртөө амралт өгөх. Амрах, унтах нь ч бэлтгэлийн нэг хэсэг юм. 🌱 Санаж яваарай: Өөрийн мэдрэмжийг ойлгож, өөртөө анхаарал тавих нь шалгалтад бэлтгэх үйл явцын нэг хэсэг юм.
Дэлгэрэнгүй
