БОЛОВСРОЛЫН ҮНЭЛГЭЭНИЙ БАЙГУУЛЛАГЫН ДҮРЭМ

БОЛОВСРОЛЫН ҮНЭЛГЭЭНИЙ БАЙГУУЛЛАГЫН ДҮРЭМ

Боловсролын сайдын
2025 оны … дүгээр сарын …-ны өдрийн

… дугаар тушаалын нэгдүгээр хавсралт

 

БОЛОВСРОЛЫН ҮНЭЛГЭЭНИЙ БАЙГУУЛЛАГЫН ДҮРЭМ

 

Нэг. Нийтлэг үндэслэл

 

• Боловсролын үнэлгээ, арга зүйн байгууллагын зорилго нь Монгол Улсад боловсролын бүх түвшний үнэлгээний тогтолцоог бэхжүүлэх хүрээнд олон улсын хөгжлийн чиг хандлага, арга зүй, арга хэрэгслийг нэвтрүүлэх, бодлогын хэрэгжилтийг дэмжиж ажиллах, иргэд, олон нийтийг мэдээллээр хангаж, мэргэжил арга зүйн дэмжлэг үзүүлэхэд оршино.
• Боловсролын үнэлгээ, арга зүйн байгууллагын бүтэц, зохион байгуулалт, үйл ажиллагааг энэхүү дүрмээр зохицуулна.
• Боловсролын үнэлгээ, арга зүйн байгууллага үйл ажиллагаандаа Монгол Улсын Үндсэн хууль, Төсвийн тухай хууль, Хөдөлмөрийн тухай хууль, Боловсролын ерөнхий хууль, Сургуулийн өмнөх болон ерөнхий боловсролын тухай, Мэргэжлийн болон техникийн боловсрол, сургалтын тухай, Дээд боловсролын тухай хууль болон бусад холбогдох хууль тогтоомжийг баримтлан ажиллана.
• Боловсролын үнэлгээ, арга зүйн байгууллагын оноосон нэр нь “Боловсролын үнэлгээний төв” байна.
• Боловсролын үнэлгээний төв нь тэмдэг, албан бичгийн хэвлэмэл хуудас хэрэглэх бөгөөд өөрийн бэлгэдэлтэй байна.

 

Хоёр. Боловсролын үнэлгээний төвийн үйл ажиллагаандаа

баримтлах зарчим

• Боловсролын үнэлгээний төв нь үйл ажиллагаандаа дараах зарчмыг баримтална:
  • Боловсролын бүх түвшний үнэлгээг шинжлэх ухааны үндэслэлтэй, хөндлөнгийн нөлөөллөөс ангид, шаардлагатай тохиолдолд холбогдох байгууллагуудтай хамтран зохион байгуулах;
  • Байгууллагын үйл ажиллагаа нээлттэй, ил тод, хүртээмжтэй байх;
  • Тэгш хүртээмжтэй, ялгаварлан гадуурхахгүй байх,
  • Хараат бус, шударга, бодитой, иргэд, олон нийтийн оролцоог хангасан байх.

Гурав. Үйл ажиллагааны чиглэл

• Боловсролын үнэлгээний төв нь Боловсролын ерөнхий хуулийн 17 дугаар зүйлийн 17.11 дэх хэсэгт заасан чиг үүргийн хүрээнд дор дурдсан чиглэлээр үйл ажиллагааг зохион байгуулна. Үүнд:
  • Боловсролын үнэлгээний арга зүй, аргачлалыг олон улсын чиг хандлагад нийцүүлж, хөгжүүлэх,
  • Үнэлгээний даалгавар /тохирч, найдвартай байдлыг хангасан/-ын санг хөгжүүлэх, иргэд, олон нийтэд нээлттэй байршуулах;
  • Боловсролын үнэлгээг цахимд суурилсан хөндлөнгийн нөлөөлөлгүй хэлбэрээр зохион байгуулах системийг хөгжүүлэх, нэвтрүүлэх, бэлэн байдлыг хангах;
  • Бүх түвшний боловсролын байгууллагыншалгалт, үнэлгээний арга зүй, даалгавар боловсруулах, шалгалт,үнэлгээг цахим болон цаасан суурьтай зохион байгуулах, үр дүнг зорилтот хэрэглэгч нарт мэдээлэх, үр дүнд шинжилгээ судалгааг хийх, тайланг эрх бүхий байгууллагад хүргүүлэх;
    • Сургуулийн өмнөх боловрсолын сургалтын байгууллагын түвшинд
      • Сургуульд бэлтгэгдсэн байдлын үнэлгээ
      • Байгууллагын гүйцэтгэлийн үнэлгээ зохион
      • Багшийн гүйцэтгэлийн үнэлгээ зохион
    • Ерөнхий сургалтын байгууллагын түвшинд
      • Улсын шалгалт
      • Сургагчийн амжилтын дотоодын үндэсний үнэлгээ /Монгол/
      • Сургагчийн амжилтын олон улсын үндэсний үнэлгээ /PISA/
      • Байгууллагын гүйцэтгэлийн үнэлгээ
      • Багшийн гүйцэтгэлийн үнэлгээ
    • Мэргэжлийн болон техникийн боловсролын сургалтын байгууллагын түвшинд
      • Төгсөлтийн үнэлгээ
      • Өмнөх мэдлэгээр олж авсан ур чадвар
      • Байгууллагын гүйцэтгэлийн үнэлгээ
    • Дээд боловсролын сургалтын байгууллагын түвшинд
      • Монгол хэл,бичгийн шалгалт
      • Элсэлтийн шалгалт
      • Эрэмбэ тогтоох
    • Олон улсын хөтөлбөртэй ерөнхийн боловсролын сургалтын байгууллагын элсэлтийн шалгалт
    • Бусад шалгалт, үнэлгээнүүд,
  • Боловсролын үнэлгээний чиглэлээр багш, суралцагч, сургалтын байгууллагад мэргэжил, арга зүйн зөвлөгөө өгөх, үнэлгээний арга зүй, арга хэрэгслийг боловсруулах сургалт зохион байгуулах, үнэлгээний хүний нөөцийг бэлтгэх, давтан сургах;
  • Боловсролын үнэлгээний удирдлага, мэдээллийн цахим системийг хөгжүүлэх, мэдээллийн ил тод, хүртээмжтэй байдал, ашиглалтыг нэмэгдүүлэх, аюулгүй байдал, нууцлалыг хангаж ажиллах;

Боловсролын үнэлгээний үр дүнг боловсролын цахим мэдээллйн санд байршуулах;

• Боловсролын үнэлгээний өгөгдөл мэдээллийн психометр шинжилгээг хөгжүүлэх, боловсруулах системийг хөгжүүлэх, боловсролын бодлого, төлөвлөлт, хэрэгжилтэд ашиглах боломжийг бий болгох;
• Бүх түвшний сургалтын байгууллагын захиалгаар үнэлгээ хийх, сургалт зохион байгуулах, тестийн болон үнэлгээний материал боловсруулах, үнэлгээ, судалгааны үр дүнд тоон болон чанарын шинжилгээ хийх, хүний нөөцийг чадавхжуулах үйл ажиллагааг зохион байгуулах;
• Хүний амьдралын орчноос олж авсан мэдлэг, чадвар, чадамжийг үнэлэх, ажлыг удирдлага зохион байгуулалтаар хангах, үр дүнг хүлээн зөвшөөрөх, баталгаажуулах;
• Багшийн мэргэжлийн хөгжлийн хүрээнд модуль боловсруулах, сургалт зохион байгуулах;

Дөрөв. Удирдлага, зохион байгуулалт

• Боловсролын үнэлгээний төв энэхүү дүрэмд заасан үйл ажиллагааны чиглэлийг хэрэгжүүлэхдээ дараах зохион байгуулалт, бүтцийн хүрээнд ажиллана.
• Боловсролын үнэлгээний төвийн дэргэд орон тооны бус Мэргэжлийн/удирдах зөвлөл ажиллана.
  • Мэргэжлийн зөвлөлийг захирлын шийдвэрээр байгуулан ажиллуулна.
  • Мэргэжлийн зөвлөл нь Боловсролын үнэлгээний төвөөс зохион байгуулдаг бүх шатны боловсролын үнэлгээ, судалгаа хийх, үр дүнд шинжилгээ хийх, бодлогын зөвлөмж боловсруулахад санал, зөвлөмж өгөх, байгууллагын түвшинд шийдвэрлэх аливаа асуудлыг хууль эрх зүйн үүднээс үнэн зөв шуурхай шийдвэрлэх, арга замыг тодорхойлох үүрэг бүхий 5-7 хүний бүрэлдэхүүнтэй байна.
  • Зөвлөлийг БҮТ-ийн захирлын шийдвэрээр байгуулан ажиллуулна.
  • Зөвлөлийн гишүүд нь 7 хүртэлх хүний бүрэлдэхүүнтэй, боловсролын бүх түвшний болон бусад салбарын төлөөллийг хангасан байна.
  • Зөвлөлийн ажиллах дүрэм, бүрэлдэхүүнийг БҮТ-ийн захирал батална.
  • Зөвлөлийн үйл ажиллагааны хэлбэр нь Зөвлөлийн хурал байна.
  • Зөвлөлийн хуралдаанд оролцсон ирц, идэвхийг үндэслэн гишүүдэд улирал тутам урамшуулал олгоно.
• Боловсролын үнэлгээний төвийн хүний нөөц нь захирал, хэлтсийн дарга, ахлах мэргэжилтэн,төслийн менежер, мэргэжилтэн, үйл ажиллагаанд дэмжлэг үзүүлэх гэрээт ажилтнуудаас бүрдэнэ.
  • Боловсролын үнэлгээний төвийг захирал удирдана.
  • Хэлтэс, албаны өдөр тутмын үйл ажиллагааг хэлтсийн дарга дэмжлэг үзүүлэн арга зүйн удирдлагаар ханган ажиллана..
  • Боловсролын үнэлгээний төвийн албан хаагчидтай хуульд заасан үндэслэл, чиг үүргийн хүрээнд хөдөлмөрийн гэрээ байгуулан ажиллуулна.
• Боловсролын үнэлгээний төвийн захирал дор дурдсан чиг үүргийг хэрэгжүүлнэ. Үүнд:
  • Байгууллагын үйл ажиллагааны гүйцэтгэл, үр дүнг Боловсролын асуудал эрхэлсэн Засгийн газрын гишүүний өмнө бүрэн хариуцан ажиллах;
  • Төсвийн ерөнхийлөн захирагчтай гүйцэтгэл, үр дүнгийн
    гэрээ байгуулан ажиллаж, гэрээний биелэлтийг тоо болон чанарын
    шалгуур үзүүлэлтийн дагуу цаг хугацаанд нь тайлагнах;
  • Байгууллагын эрхлэх асуудлын хүрээнд холбогдох хууль тогтоомжид нийцүүлэн тушаал гаргах;
  • Батлагдсан төсөв, хууль тогтоомжоор зөвшөөрөгдсөн санхүү, хөрөнгийн бусад зардлыг зориулалтын дагуу захиран зарцуулах;
  • Байгууллагын дотоод журам, түүнтэй нийцүүлэн гаргасан бусад эрх зүйн акт болон албан тушаалын тодорхойлолтыг батлан мөрдүүлж, гүйцэтгэл үр дүнг үнэлж, дүгнэх, үр дүнд үндэслэн шагнаж урамшуулах;
  • Байгууллагын батлагдсан орон тоо, албан тушаалын тодорхойлолтын дагуу хэлтсийн дарга, зөвлөх, гэрээт ажилтнуудыг томилох, чөлөөлөх;
  • Байгууллагын хүний нөөцийн бодлого төлөвлөлтийг хэрэгжүүлж, ажилтнуудын мэргэжлийн хөгжил, нийгмийн асуудлыг зохих хууль тогтоомжид заасны дагуу шийдвэрлэх, тэдний ажиллах нөхцөлийг бүрдүүлэх.
  • Төрийн албан хаагчийн нийтлэг журам болон бусад холбогдох хууль, дүрэм, журмыг зөрчсөн албан хаагчдад хариуцлага тооцох,
• Хэлтсийн дарга дор дурдсан чиг үүргийг хэрэгжүүлнэ. Үүнд:
  • Хэлтсийн өдөр тутмын үйл ажиллагааны зохион байгуулалтыг ханган ажиллах;
  • Хэлтсийн дарга нь мэргэжилтнүүдийн ажлын гүйцэтгэлд хяналт тавих, үр дүнг үнэлж, арга зүйн дэмлэг үзүүлэн ажиллах;
  • Хэлтсийн төлөвлөгөөг жилээр боловсруулан батлуулж, биелэлтийг үнэлж, дүгнэх;
  • Хэлтсийн үйл ажиллагааны үр дүнг Боловсролын үнэлгээний төвийн захирлын өмнө хариуцан тайлагнах.

Тав. Санхүүжилт

• Боловсролын үнэлгээний төвийн санхүүжилт нь дор дурдсан эх үүсвэрээс бүрдэнэ.
  • Улсын төсөв болон орон нутгийн төсөв;
  • Их, дээд сургуулийн элсэлтийн шалгалтын хураамжийн орлого, түүнтэй адилтгах бусад шалгалтын хураамжийн орлого;
  • Боловсролын бүх түвшний үнэлгээ, бодлогын хэрэгжилтийг хангахтай холбоотой зөвлөх үйлчилгээний орлого;
  • Захиалгат сургалтын орлого;
  • Багшийн тасралтгүй хөгжлийг дэмжсэн сургалтын орлого;
  • Байгууллагын үйл ажиллагааг дэмжих, чадавхжуулах зорилгоор олгогдсон буцалтгүй тусламж, хөрөнгө, эх үүсвэр;
  • Хууль, тогтоомжоор хориглоогүй бусад эх үүсвэр.
• Боловсролын үнэлгээний төв нь нэмэлт санхүүжилтийн хүрээнд олсон орлогыг байгууллагын үндсэн үйл ажиллагааны санхүүжилтийг бууруулах, байгууллагын үйл ажиллагааг дэмжих зориулалт бүхий хөрөнгө оруулалт хийх, албан хаагчдын нийгмийн асуудлыг шийдвэрлэхэд зарцуулна.
• Боловсролын үнэлгээний төв нь нягтлан бодох бүртгэл, санхүү хөтлөх, санхүүгийн тайлан, тэнцэл гаргах үйл ажиллагааг Нягтлан бодох бүртгэлийн тухай хууль болон бусад холбогдох хууль тогтоомжийн дагуу гүйцэтгэж хагас, бүтэн жилээр гарган хугацаанд нь тайлагнаж баталгаажуулна.
• Нягтлан бодох бүртгэлийг батлагдсан маягт аргачлалын дагуу хөтөлж өдөр тутмын үйл ажиллагаандаа мөрдөж ажиллана.
• Боловсролын үнэлгээний төвийн хөрөнгө төрийн өмч байх бөгөөд үйл ажиллагааныхаа зорилгод нийцүүлэн зориулалтын дагуу ашиглана.

Зургаа. Дүрэмд нэмэлт, өөрчлөлт оруулах

6.1. Энэ дүрэмд захирлын саналыг үндэслэн Боловсрол, шинжлэх ухааны сайдын тушаалаар нэмэлт, өөрчлөлт оруулна.

 

—o0o—

 

          Боловсролын сайдын
2025 оны … дүгээр сарын …-ны өдрийн

А/… дүгээр тушаалын хоёрдугаар хавсралт

БОЛОВСРОЛЫН ҮНЭЛГЭЭНИЙ ТӨВИЙН БҮТЭЦ